ကိုယ် ဂျပန်မလာခင်တည်းက ဆရာမ က ဂျပန်မှာ သမီး ဆံပင်ညှပ်ဖြစ်အောင် ညှပ်နော်။ မနှမျောနဲ့တဲ့။ အရမ်းလှတယ်တဲ့..။နားထောင်ရမှာပေါ့..လှမယ်ဆိ်ုတာကိုးးး..ဒါပေမဲ့ နှမျောစိတ်အခံလေးနဲ့..ဆိုတောလည်း..ဆံပင်ညှပ်ခဈေးကြီးမယ်ဆိုတာ သိလို့ လာကတည်းက အတိုကပ်ကပ်လေး ညှပ်လာခဲ့ပေမဲ့ ၄ လလောက်ရောက်တော့ ဆံပင်က ရှည်လာပီ.. ။ ဒီတော့ ထုံးစံအတိုင်း မညှပ်ခင် စပီးစုံစမ်းပါတော့တယ်။
ဆံပင်ညှပ်ဆိုင်က အစားစားရှိပါတယ်။ ယောကျာင်္းမိန်းမ ၁၀၀၀ ယန်းနဲ့ ညှပ်လို့ရတဲ့ ဆိုင်လဲ ရှိပါတယ်။ တချို့ယောကျာင်္းလေးဆိုင်က သီးသန့် ယန်း၁၀၀၀ ဆိုင်လဲ ရှိပါတယ်။ အလကားညှပ်ပေးတဲ့ အချိန်လည်း ရှိပါတယ်။ အလကားညှပ်ပေးတယ်ဆိုတာ သင်တန်းပီးခါစ လေးတွေက ညှပ်ပေးတာပါ။ တနှစ်ကို ၂ကြိမ် အလကားညှပ်ပေးပါတယ်။ အဲဒီမှာ ညှပ်ချင်ရင် စာရင်းကြိုပေးရပါတယ်။ ကျောင်းတွေမှာ ကြော်ငြာလာကပ် ထားပါတယ်။ ပုံမှန်ဆိုင်တွေကတော့ ယန်း ၄၅၀၀ က စပါတယ်။ တခါတလေမှာ ဆိုင်ဖွင့်လို့ပဲ ဖြစ်ဖြစ် မိတ်ခေါ်ချင်လို့ပဲ ဖြစ်ဖြစ် ၂၀ % ဈေးလျှော့ပေးလေ့ရှိတဲ့ အချိန်တွေရှိပါတယ်။ အဲဒီ၄၅၀၀ ထဲမှာ ခေါင်းလျှော်တာပါ လုပ်ပေးပါတယ်။ ဆေးဆိုးတာက သပ်သပ်ပေးရပါတယ်။
တချို့ဆိုင်တွေက ကျောင်းသားကဒ်နဲ့ discount ချပေးတတ်တဲ့ဆိုင်တွေလည်း ရှိပါတယ်။
ဆိုင်တော်တော်များများရဲ့ လုပ်ထုံးကလေး တခုရှိပါတယ်။ promoting ပေါ့။ ဆိုင်ရဲ့ member တယောက်အနေနဲ့ ဆက်သွယ်ပေးတဲ့ လူသစ်တယောက်ဆိူရင် အဲဒီလူအတွက် ၁၀% လျှော့ပေးသလို ရှာပေးတဲ့ ကိုယ့်ကို လဲ ၁၀% လျှော့ချပေးပါတယ်။ တဆိုင်နဲ့တဆိုင် လျှော့ပုံခြင်းတော့ မတူ ကြဘူးပေါ့နော်။တချို့ဆိုင်တွေက စစညှပ်ခြင်းကို ဈေးလျှော့ပေးတယ်။ လူသစ်ကို ဆွဲဆောင်တဲ့အနေနဲ့ပါ။ ၂၅၀၀ လောက်နဲ့ ညှပ်ပေးလေ့ရှိပါတယ်။ ဒါပေမဲ့ နောက်တခေါက် ညှပ်ရင်တော့ ၃၀၀၀ အထက် ဖြစ်သွားပါတယ်။အဲဒီလိုမျိုးဆိုင်တွေလဲ ရှိပါတယ်။ ဒါကြောင့် တချို့သူငယ်ချင်းတွေက အချိန်တိုင်းလူသစ်အနေနဲ့ပဲ လုပ်တတ်ပါသေးတယ်။ ဆံပင်ဖြောင့်တာလဲ ဈေးကအစားစားရှိပါတယ်။ ဆေးဆိုးတာက တော့ ဈေးသိပ်မများလှပါဘူး ဆိုပေမဲ့…ဆိုပေမဲ့ ..ပေါင်းလိုက်ရင် ယန်း တသောင်းနီးပါး ကျပါတယ်။
ဆိုင်တိုင်းမှာ များသောအားဖြင့် member တွေကို တနှစ် ၂ခါလောက် ၂၀% လောက်လျှော့ချပေးလေ့ရှိပါတယ်။ တခေါက်က ဆိုင်ရဲ့ တနှစ်တခါ ဈေးလျှော့တာပါ။ တခုကတော့ ကိုယ့်ရဲ့မွေးနေ့မှာ လျှော့ချပေးခြင်း ဖြစ်ပါတယ်။ ဝန်ဆောင်မှူတမျိုးပေါ့။
ကိုယ်တို့အိမ်နားမှာ ဆံပင်ညှပ်ဆိုင်တွေ အများကြီး ရှိပါတယ်။ ကိုယ်းနဲ့ ခင်တဲ့ အိမ်ရှာပေးတဲ့ ကုမ္ပဏီက ဂျပန်မကို မေးပီး ဘယ်ဆိုင်မှာ ညှပ်တာလဲ မေးတယ်.သိသမျှ ဂျပန်မတွေကိုမေးတယ်။ ပီးတော့ ဆိုင်ရှေ့တွေမှာ လမ်းသလားတယ်။ အခြေအနေကြည့်တာပေါ့။ နောက်ဆုံးတော့ ဆိုင်တဆိုင် ကို ရွေးလိုက်မိပါတယ်။ ကိုယ့်ရဲ့ ရွေးချယ်မှူ က ကောင်းသွားတယ်ပဲ ဆိုရမယ်။ ဆံပင်က ဘာမျှ ထွေထွေထူးထူး မဖြီးရပဲနဲ့ ပုံကျနေလို့ပါပဲ။ တခြားသူငယ်ချင်းတွေကတောင် သဘောကျကြပါတယ်။ ဆံပင်က ရှည်လေ ပုံပိုကျလေပါပဲ။
ကိုယ်ပထမဆုံး ဆံပင်ညှပ်ဆိုင်ကို သွားတာလေး ပြောပြပါရစေ။ ဆိုင်ကို ခပ်တည်တည်နဲ့ ဝင်သွားပါတယ်။ ဆိုင်ထဲကိုဝင်တာနဲ့ ဘယ်သူကမိတ်ဆက်ပေးလို့လဲလို့ မေးပါတယ်။ မေးပီး လိုအပ်တာတွေ လုပ်ပေးပီး member ကဒ်လေး ထုတ်ပေးပါတယ်။ တကယ်တော့ ကိုယ့်ဘာသာကိုယ် မိတ်ဆက်ပီး သွားညှပ်တာပါ။ ဘယ်သူမှ မိတ်ဆက်ပေးတာမဟုတ်ပါဘူး။ ပီးတာနဲ့ ကိုယ့်ရဲ့ အကျီတွေ အိတ်တွေကို လာယူ သွားပီး ဘီဒိုလေးထဲသူတို့ကိုယ်တိုင်ထည့်ပေးပါတယ်။ ကိုယ့်ကို သော့လေးတခုပဲ လာပေးတယ်လေ.။ ကိုယ့်အလှည့်မရောက်သေးတော့ စောင့်နေရတာပေါ့။ အဲဒီမှာ သိပ်လှတဲ့ အန်တီလှလှလေးက ဆိုင်ပိုင်ရှင်ပေါ့။ သူက အိုဆာကာက ဆံပင် အလှပြင်တဲ့ တက္ကသိုလ်မှာလဲ ဗုဒ္ဓဟူး နေ့ တိုင်း စာသွားသင်ရတယ်။ အသက်ကတော့ ၆၀ ကျော်ပီ။ အရမ်းလှတာပဲ ခန္ဓာကိုယ်လေးကလဲ မဝဘူး။ ရေလည်မိုက်တယ်။ သူ့ဆိုင်မှာ တခြားသူတွေလဲ ရှိသေးတယ်။(ပီးတော့ ကိုယ်က ယောင်္ကျားတယောက် ရဲ့ အလှပြင်တာပဲဖြစ်ဖြစ် ဆံပင်ညှပ်တာပဲ ဖြစ်ဖြစ် အကိုင်မခံနိုင်ပါဘူး။ သူတို့နဲ့ ပြင်မှ လှမယ်ဆိုလဲ နေပါစေလေ လူစားမျိုးပါ) ဒါပေမဲ့ ကိုယ်က အန်တီနဲ့ပဲ ညှပ်မယ်ဆိုပီး ပြောတာ။ ညှပ်ရင်းပြောရင်းနဲ့ တထိုင်တည်း ခင်သွားပါတယ်။ ဟိုအကြောင်း ဒီအကြောင်း ပြောပီး ဆံပင်ညှပ်ဆိုင်မှာ လူလိုတယ်ဆိုတဲ့ အဆင့်ထိ ရောက်ပါတယ်။ ဂျပန်က ဆံပင်ညှပ်ဆိုင်တွေမှာ လူလိုလေ့ရှိတယ်ဆိုတာ တလက်စတည်း ပြောပါရစေ။ အသိအမှတ်ပြု သင်တန်းဆင်းလက်မှတ်နဲ့ အလုပ်ရှာမယ်ဆို အဆင်ပြေနိုင်ပါတယ်။ ယောင်္ကျားလေးဖြစ်ဖြစ် မိန်းကလေးဖြစ်ဖြစ်ပေါ့။ ဂျပန်လိုတော့ တတ်ဖို့ လိုပါမယ်။
အဲဒီအန်တီကို ကိုယ်က သိပ်ပြောစရာမလိုဘူး။ ကိုယ်နဲ့ လိုက်မဲ့ပုံ ပီးတော့ ညှပ်ပီးရင် လှနေဖို့ ပဲ လေ..။ အဲလိုပြောပီး ညှပ်တာပါ။ ပုံတွေကိုလည်းသေချာကြည့်တာပေါ့..။ ဘာလို့လဲဆိုတော့ အနောက်ကပုံစံကလဲ လိုသေးတယ်လေ..။ သူကလဲ သေချာညှပ်ပေးပါတယ်။ ကိုယ်ကတော့ ညှပ်တိုင်းသူနဲ့ပဲ ညှပ်တယ်။ သူမအားရင် မညှပ်ဖူး။ ညှပ်ခက ဈေးကြီးတော့ အမြဲလဲ မညှပ်နိုင်ပါဘူး။ တနှစ်ကို ၃ခါ လောက်ပါပဲ။ လှချင်တာကိုး..။ ဆံပင်ဆေးဆိုးတာကလဲ အမြဲမဆိုးရဲဘူး။ ဆေးဆိုးတာ ဆံပင်သား တွေ ကြမ်းတတ်တယ်လေ။ တခါလားပဲ ဆိုးဘူးတယ်။ ဒီက ဂျပန်မတွေက နေ့တိုင်းခေါင်းလျှော်ကြပါတယ်။ ကိုယ်က နေ့တိုင်းခေါင်းမလျှော်ချင်လို့ မေးလို့ ပြောပြတာပါ။ ပီးတော့ ဂျပန်မလေးတွေ အထက်တန်းကျောင်းသူလေးတွေရဲ့ ဆံပင်ကအမြဲ ဖြောင့်နေလို့ မေးကြည့်လိုက်တော့ သူတို့က မနက်တိုင်း ဖြောင့်စက်နဲ့ ဖြောင့်တာလို့ ပြောပါတယ်။ သြော်…ဒါကြောင့် သူတို့လေးတွေ ဆံပင်က အမြဲ ဖြောင့်နေတာကိုး..။ဆံပင်အရမ်းကျွတ်လို့ စိတ်ပူပီး မေးဖြစ်ပါသေးတယ်။ ရာသီဥတု ပြောင်းလို့ ကျွတ်တာပါတဲ့။ စိတ်ပူစရာ မရှိပါဘူးလို့ ပြောလို့ ….စိတ်သက်သာရာရသွားတယ်။ အခုတော့လဲ.. ဆံပင် ဘယ်လောက်ကျွတ်ကျွတ် ..နေသားကျသွားပါပီ။
ဆံပင်ညှပ်ဆိုင်ကို သွားမယ်ဆို ဘိုကင်လုပ်ထားရင် ထိုင်စောင့်စရာမလိုတော့ဘူးပေါ့။ မေးလ်ကနေလဲ လုပ်လို့ရပါတယ်။ ဖုန်းကနေလဲ လုပ်လို့ရပါတယ်။
ဆံပင်ညှပ်တဲ့အခါ အသုံးပြုတာကလဲ ကပ်ကြေးတလက်ပဲ ကိုင်တာပါ။ ကပ်ကြေးရဲ့ အဖျားကလေးကိုပဲ အသုံးပြု့ပီးညှပ်ပေးတာပါ။ ညှပ်ပီးမှ ခေါင်းလျှော်ပေးတာပါ။တခါတလေကျတော့လဲ ခေါင်းလျှော်ပီးမှ ညှပ်ပါတယ်။ ကြည့်ရတာ အလျှင်းသင့်သလို ထင်တာပဲ။ ခေါင်းလျှော်ချိန်မှာ ရေနွေးစွတ်ထားတဲ့ ပုဝါကလေးကို ဂုတ်ပေါ်တင်ပေးထားပါတယ်။ ပီးတော့ မျက်နှာကိုလည်း လက်ကိုင်ပုဝါပါးလေးနဲ့ အုပ်ပေးထားပါတယ်။ ခေါင်းလျှော်တဲ့အခါ ရေနွေးစပ်တာ အဆင်ပြေမပြေ မေးပါတယ်။ ပီးမှ အခြောက်ခံ ပေးပါတယ်။ နှိပ်ပေးတာလေးက အရမ်းခံလို့ ကောင်းပေမဲ့ အချိန်သိပ်မကြာလှပါဘူး။ မြန်မာပြည်ကို ခေါင်းလျှော်ရင်သတိရပါတယ်။ ဘာပဲဖြစ်ဖြစ် နာရီဝက်လောက်တော့ ဇိမ်ခံလို့ရတယ်လေ။ ပီးရင် ဆံပင်ညီမညီကို သေချာ ပြန်ညှိပေးပါတယ်။ ပီးရင် wax နဲ့ ဆံပင် ကိုလိမ်းပီး ပုံသွင်းပေးပါတယ်။ ဘီးလုံးဝမကိုင်ပါဘူး။ ညှပ်တုန်းကပဲ ဘီးကိုင်ပါတယ်။ ဆံပင်ပုံစံတွေကွာလို့လဲ ဖြစ်နိုင်ပါတယ်။ အံ့သြစရာပဲနော်။
ဆံပင်ကတော့ ရှည်လာလေ ပုံကျလေပါပဲ။ တကယ်ပါ။ အံ့သြစရာ ကောင်းပါတယ်။ ကိုယ်ဆို ခေါင်းကို လုံးဝမဖီးပါဘူး.။ ခေါင်းလျှော်ပီး dryer နဲ့ လုပ်ပီး ဆံပင်ကို ဖွလိုက်ယုံပါပဲ..။ ဒါပေမဲ့ ဆံပင်က ဘယ်တော့မှ ဘုတ်သိုက် ဖြစ်မနေတာတော့ … တကယ်ပဲ … ကျေနပ်စရာပါ။ ခုချိန်ထိ ဘီးလုံးဝကောင်းကောင်းမရှိပါ။ အိမ်မှာနေရင်တော့ အဆူခံရမှာသေချိာပေမဲ့ ဒီမှာတော့ ခေါင်းရှုပ်ပွ မနေဘူး..။
အဲဒါကြောင့် ဂျပန်ရောက်ရင် ပျိုမေတို့လှဖို့ ဆံပင်ညှပ်ကြဖို့ တိုက်တွန်းပါရစေ..။
ရေးထားတာ တော့ တော်တော်လေးကို ကြာခဲ့ပါပီ..။ဒီနေ့မှ တင်လိုက်တာပါ..။
နောက်ဆက်တွဲ လက်ရှိ အခြေအနေ...
အခုတော့ ဆံပင်ညှပ်ပေးတဲ့ အန်တီကြီးကို မှန်ကြည့်တိုင်း စိတ်တိုနေပါတယ်။ ဘာလို့ဆိုတော့ သူက ကိုယ်ကြိုက်တဲ့ မညီမညာဆံပင်ပုံ မညှပ်ပေးလို့ပါ..။ ကိုယ်နဲ့က အတိုပုံစံမျိုးစုံလိုက်ဖက်ပေမဲ့ အတိုထဲမှာမှ ကိုယ်ကတော့ မညီမညာပုံကို ပိုကြိုက်တာကိုး..။(အခုဆို ဆံပင်က ပွတာ သိပ်သိသာပါတယ်။ မညီမညာဆိုရင်ပွတာ မသိဘူးပေါ့..။ အဟုတ်ပဲ စိတ်တိုပါတယ်..အဲ့အန်တီကို..ဟွန်း။) ဒါကြောင့် တနေ့ ၂ခါ ခေါင်းလျှော်ရင်း ဆံပင် အရှည် အမြန်စောင့်နေရပါတယ်.. ဒီတခါတော့ ဆိုင်ပြောင်းညှပ်မယ်စိတ်ကူးပါတယ်။ သူ့ဆိုင်ရဲ့ မန်ဘာကဒ်ကလဲ ပျောက်သွားပီလေ..ပျောက်ပေမဲ့ သူ့မျက်နှာကြောင့် မန်ဘာဆိုပီး ဆက်ညှပ်လို့ရပါတယ်။ သူက ကဒ်ပျောက်တာ ဘယ်သူမှမပြောနဲ့တဲ့..။ မန်ဘာဆို ၃၆၀၀ ယန်းပဲ ကျပါတယ်။ အခုအခေါက်လဲ ကဒ်မပါဘူးဆိုတဲ့ ပုံစံနဲ့ ညှပ်ခဲ့ရတာကိုး။ ဒါပေမဲ့ ကိုယ်ဒီတခါ ညှပ်ရင် သူများဆီမှာ သွားညှပ်မယ်လို့ ဆုံးဖြတ်ပီးသွားပါပီ။
အခုတော့ ဆံပင် ပြန်ရှည်လာပါပီ..။ မကြာခင်မှာ သွားပြန်ညှပ်မယ်.. ဆံပင်ပုံစံဆိုတာ မိန်းကလေးတွေ အတွက် အရေးကြီးပါတယ်။ ဝေးဝေး မကြည့်နဲ့ သမ္မတ အိုဘားမားကတော်ကို ကြည့်ပါလေ….။
အပြည့်အစုံသို့ »
« အပေါ်သို့
